Diam-penina

PMU garanti 100% mahazo

Fiainana — Nampidirin'i fraz @ 07:46

Mitangorona ny olona teo andohan' Analakely teo, teo ampitan'ny Firaisana I dia mba nijery hoe inona ary izany dia io ranamana iray miaraka amin'ny cahier 100 pages eo ho eo efa feno soratsoratra sy chiffres be dia be. Feno sary géometrie be dia be, misy triangle isocèle, polygone, ireny miaraka amin'ny chiffre eny @ sommet, izay rehetra mety handresena lahatra hoe mitombina ny zavatra ataony, dia miaraka @ taratasy maromaro misy ny valin'ny PMU tany aloha hanamarinana hoe tena mitombina ny théorie an'lery. Betsaka aloha ny rarakivy e :) . Mandeha daholo amin'izany ny lanjan'ny Jockey, ny numero entin'ilay soavaly, izay misy chiffre azo ampiasaina rehetra.

Izany hoe raha ny tokony ho izy izany dia mahazo PMU foana lery matetika na isaky ny mihetsika. Receveur na taxi-be ny asa ataon'lery.


Dia ny manomboka mahagaga dia manampy ny olona hahazo lery ka ny olona no asainy mividy ticket dia izy no manome ny numero izay "sur 100% fa mahazo" sady ordre mihitsy hono an! Ny takalony dia 5000 Fmg isaky ny ticket vidiana (izany hoe mety hoe be dia be indray zany ny numero mahazo raha izany :))

Dia mba lasa ny saina hoe raha resaka chiffre sy calcul isan-karazany ve no hahazoana an'io tsy efa faillite ny PMU ?

Izaho aloha mba efa nahazo tiercé fa désordre e :-) (120 000 Fmg) ... fa tsy nampiasa triangle isocèle aho tamin'izay.....


Economie d'énergie

Ankapobeny — Nampidirin'i fraz @ 06:03

Ireo firenena tsirairay dia samy manana ny fomba ataony mba hahafahana mitsitsy ny angovo ampiasaina, ny ankabeazan'ny ao amin'ny faritr' Europa izao dia nisafidy ny changement d'heure mba hoe amin'ny andro mazava ny mpiasa no tokony hiasa fa tsy mbola mila ampirehetina ny jiro, ao ny mampiasa ny énergie éolienne (avy amin'ny rivotra), ao ny énergie solaire (avy amin'ny hazavana sy hafanana), ary tsy adino ihany koa ny délestage

Dia eo amin'ny resaka solika indray, mba hiadiana amin'ity vidiny miakatra ity foana dia betsaka ny manomboka mitoti-doha amin'ny fanamboarana solika avy amin'ny zava-maniry, rehefa nodinihina anefa dia somary tsy dia mifanalavitra ny coût hanamboarana azy (mba tsy hilazana hoe somary lafo kokoa aza), ka mety hoe any @ voiture électrique indray no mihainohaino na miverina amin'ny taloha  e, atosika amin'ny tanana !! :) 


Famatorana kravaty

Sao mahasoa ! — Nampidirin'i fraz @ 11:40
Taloha tamin'ny mbola tsy nahay namatotra aho dia miantso olona foana hoe ity mba afatory, farany hoe tapa-kevitra hoe handeha hianatra. Tamin'ny internet aho no  nianatra namatotra (taona 1999), vetivety ihany dia hay. Ireto misy site anankiroa ohatra misy fianarana azy http://www.tie-a-tie.net/ na ity http://www.noeud-de-cravate.com/. Jerijereo ihany koa ny resaka Lavallière ho an'izay hanambady.

Handefa vola

Sao mahasoa ! — Nampidirin'i fraz @ 09:17

Ankoatran'ny Western Union izay hahafahana mandefa vola dia misy ihany koa ny madachange sady tsy dia misy protocole be atao no sady haingana. Jereo ao amin'ny siten-dry zalahy ao ny birao misy azy. Toa manao zavatra hafa ihany koa ry zareo, mivarotra entana sy ny sisa. Jerijereo ao sao mahasoa .

Raha misy mahafantatra hafa koa dia mba zarazarao e, fandefasana entana ...


Papa no fiantson'ny ankizy an'i Dadanay

Fiainana — Nampidirin'i fraz @ 09:01
Mpampianatra asa marika (matematika) no nahafantaran'ny be sy ny maro azy. Nampianatra tany Antsirabe sy tao Antananarivo izy. Naharitra teo amin'ny 27 taona teo ho eo izy no nampianatra asa marika tao amin'ny ESCA Antanimena. Izaho dia anisan'ny mpianany sady zanany rahateo. Betsaka ireo ankizy mpianany no tsy nanadino azy, betsaka koa ireo izay tena natahotra azy tamin'ny izy ireo mpianany, rehefa hanao examen izany dia misy tena migogogogo mitomany mihitsy (tena marina io)

Mangina heno hatramin'ny lalitra maneno ao am-pianarana rehefa mampianatra izy, izy anefa tsy masiaka nefa tsy hentitra be ihany koa. Raha tia mikirakira marika dia tsy heno akory ny fandehan'ny adin'ny roa.

Tamin'izaho mpianany dia mitovy amin'ny ankizy rehetra ihany. Roa taona aho no mpianany izany hoe 1ère sy Terminale. Classe de seconde aho no nampiany farany teo amin'ny famerenana any an-trano, fa nanomboka teo dia nandeha samy irery, indraindray fotsiny izy no manampy kely taty aoriana. Ny zandriko vavy koa dia nampianarina taty aoriana fa vetivety ihany, avy eo moa izy nijanona nisotro ronono.

Amin'izao izy dia tsy mampianatra marika intsony, ny manao mots croisés amin'ny gazety sy boky ireny no tena fialam-boliny. Anisan'ny tia
mamaky boky be ihany koa izy.

"Papa" moa no surnom fiantson'ny ankizy azy tany am-pianarana. Dada no kosa fiantsonay azy any an-trano. RAZANAMPARANY François no tena anarany.

Powered by LifeType