Diam-penina

19 Feb, 2007

K7 tamin'ny androny

Fiainana — Nampidirin'i fraz @ 18:54

Efa lasa lavitra mihitsy moa izao ny teknolojia ankehitriny ary ireo mpanamboatra dia miezaka ny mba hanao zavatra mora ampiasaina sy tsotra be hatrany, lasa any indray manko izao no tian'ny olona.

Fa raha hiverenana kely ny andron'ny K7, indrindra ireo radio K7 misy azo hambara ihany :

- Voalohany aloha tsy tonga dia fantatrao avy hatrany na mivadika na tsia ny K7 ampidirina raha tsy hoe efa zatra mampiasa matetika. Madainga angamba izay miteny hoe tsy namadika K7 mihitsy tamin'ny nampiditra azy na amin'ny tranony io na amin'ilay fandefasana azy :-)

- Faharoa, ny K7 dia misy face anankiroa : A sy B no fiantso azy fa io koa dia tsapa vitan'akoho raha sendra hoe tsy misy soratra ka rehefa tsy face A izy izay dia face B...

- Fahatelo : Tsy afaka tonga dia hoe mihaino izay hira tianao avy hatrany ianao fa na manindry touche REW na FF. Raha misy hira fihainonao matetika izany dia ny hatevin'ilay bande fotsiny no atao répère hoe rehefa tatak'izao ny hateviny dia tokony mitontona eo @ ilay hira izay. Rehefa hianatra tononkira izany moa dia miasa matetika mihitsy ny touche STOP sy ny REW :-)

- Fahaefatra : Ny aza mba tapaka ny bande aloha fa tonga dia vita ny hira e. Azo hatohy amin'ny scotch ihany izy ka raha tsara vintana dia mba tsy heno ilay misaoty tampoka be. 

- Fahadimy : Rehefa hanao enregistrement ianao dia tsy maintsy tsindriana miaraka tsara ny touche PLAY sy REC 

- Fahaenina : Ny tena gravy dia ity. Indraindray moa rehefa mahita tournevis iny dia mba te hanokatra mba hijerena ny ao anatiny; mba hoe hanadio sy hanala kadradraka e :-) dia nisy karazana modely na radio K7 maromaro taloha ka rehefa voaala daholo ny vis rehetra dia mbola misy miraikitra ihany dia ny réaction hoe sintomina kely mafimafy dia mivaha; ary dia mivaha tokoa fa saingy tapaka avy hatrany ilay plastika kely fanaovana EJECT sy fanidiana azy iny dia eo no raisina fa lasa misanilanila tazomina amin'ny scotch sisa ilay fanidiana azy. Rehefa mamaha azy izany dia tsy maintsy avela hisokatra aloha (EJECT) izay vao sintomina. In-3 tratran'io aho fa tena fay !!!

Tamin'izany androny mantsy nalaza be ny K7, indrindra teo @ hotel de ville taloha teo ary isaky ny zoma dia misy nouveautés foana . Amin'izao moa dia efa any @ CD sy ny DVD indray no tena mandeha.

 


Hevitra

  1. Fahafito: 75% ny K7 dia tsy maintsy mihorona am-pandehanana rehefa ela ny ela, ary dia manahirana tokoa ny misintona ny bande avy ao anaty appareil. Tsy maintsy tsoahina aloha ny prise, dia avy eo tsindriana eo @ an-tsasadalana ny play dia sintonina moramora ny bande.
    Ireto avy no fitaovana miasa matetika ho an'ny mpihaino K7: scotch, lame na hety, stylo bic, tournevis, coton, alcool

    Nampidirin'i kwasi — 19 Feb 2007, 21:46

  2. Fahavalo: Raha vao tsy mirindra tsara ny K7 dia mivalana. Dia misy atao REW na FF hatrany amin'ny farany izay vao averina indray. Misy ilay akapokapoka amin'ny tanana mba hilamindamina.
    Misy tena tsisy fika mihitsy. Io mantsy rehefa ahodina amin'ny stylo Bic ilay izy. (mitsitsy motera sy piles)

    Nampidirin'i Hery — 19 Feb 2007, 23:48

  3. fahasivy : rehefa manao enregistrement ka hay efa lany ny face iray - ka mba auto-reverse ilay vata - dia tonga dia mitohy ao ambadika ilay izy raha vao variana ianao ; ka rehefa mihaino ianao avy eo dia mba manao karaoke mandra-pandehan'ilay face iray satria ilay adika mihodina ihany mandritra ilay mpandika mivadika face.

    Nampidirin'i ikalamako — 20 Feb 2007, 00:13

  4. Fahafolo: toa izany rehetra izany anefa no nahamanja an'ilay hoe mihaino k7 an!?

    Nampidirin'i kally — 20 Feb 2007, 19:19

  5. faha-iraikambinifolo :raha vao tsy hainao ny mampiditra ilay K7 dia miova ny hira ao anatiny .

    Nampidirin'i bilakarenjy — 24 Feb 2007, 06:39

Powered by LifeType